Koshi i perimeve
Koshi i perimeve i frigoriferit është projektuar për t'i mbajtur perimet të freskëta, duke ruajtur lagështinë e tyre. Për këtë qëllim, qarkullimi i përgjithshëm i ajrit të ftohtë është më i lartë në koshin e perimeve. Mbajini frutat dhe perimet në këtë ndarje. Mbajini të ndara perimet jeshile dhe frutat për të zgjatur jetëgjatësinë e tyre.
Filtri i etilenit
Filtri për mbajtjen e etilenit ndihmon për largimin e gazit etilen dhe të erërave të këqija të lëshuara nga perimet dhe frutat në kosh.
Mund të ruani frutat si dardhat, kajsitë, pjeshkat dhe veçanërisht mollët, të cilat prodhojnë sasi të lartë të gazit etilen, veçmas perimeve dhe frutave të tjera në të njëjtin kosh falë ndarësit të perimeve.
Gazi etilen që del nga këto fruta mund të bëjë që perimet dhe frutat e tjera të piqen më shpejt dhe të kalben në një periudhë më të shkurtër.
Falë kësaj veçorie, mund t’i ruani të freskëta për një periudhë më të gjatë kohore ushqimet tuaja të freskëta dhe veçanërisht perimet e gjelbra që janë të ndjeshme ndaj gazit etilen.
Mund t’i ruani ushqimet për një periudhë më të gjatë kohore duke i vendosur ushqimet e ndjeshme ndaj gazit etilen në një nga ndarjet e veçuara nga ndarësi i koshit dhe ushqimet që prodhojnë gaz etileni në ndarjen tjetër.
Ushqimet që prodhojnë gaz etilen dhe që janë të ndjeshme ndaj gazit etilen renditen më poshtë.
Ushqimet që çlirojnë gaz etilen; molla, dardha, kajsia, pjeshka, nektarina, avokado, kivi, kumbulla, fiku, ftoi, domatja
Ushqimet që janë të ndjeshme ndaj gazit etilen; perime jeshile të freskëta (të tilla si marulja, majdanozi), luleshtrydhja, qershia, rrushi, portokalli, mandarina, ananasi, qershia, limoni, kastraveci, brokoli, speci, patëllxhani, bamja, kungulli i njomë
Pastrimi i filtrit të etilenit
Filtri i etilenit duhet pastruar një herë në vit.
Hiqeni filtrin e etilenit duke e tërhequr lart kapakun e filtrit siç tregohet në figurë.
Lëreni filtrin e etilenit nën dritën e diellit për një ditë. Në këtë mënyrë, filtri do të pastrohet.
Vendoseni përsëri filtrin dhe mbyllni kapakun e sipërm.
Për të garantuar efikasitetin maksimal të filtrit dhe për të ruajtur performancën e tij, shmangni kontaktin me vajin dhe lëngje të ngjashme, si edhe me materiale të tilla si uji dhe detergjentët. Komunikoni me shërbimin për ta ndërruar filtrin me një të ri pas një kontakti të tillë.
Pastrimi i ndarësit të koshit të perimeve
Për të parandaluar bllokimin e vrimave të ajrit të pastër të ndarësit të koshit të perimeve, fshijeni atë me një leckë të pastër dhe të thatë në intervale të caktuara. Nëse ndarësi duhet larë, hiqni gjithnjë filtrin nga ndarësi.
NJOFTIM
Sigurohuni që vrimat përreth filtrit të mos jenë të bllokuara që të garantojnë qarkullimin e ajrit.